Gazeta Si – Merr fund telenovela ‘Haland’. Sulmuesi norvegjez është tashmë zyrtyarisht një lojtar i ri i Mançester Sitit. Lajmi është bërë i ditur nga klubi anglez, me anë të kanaleve të veta zyrtare në rrjetet sociale.
“Është gjetur akordi me Borusia Dortmund për Haland”, – shkruhet në njoftimin e Mançester Sitit. Sulmuesi ka kaluar testet mjekësore në Mançester dhe është nisur menjëherë për në Gjermani, për të mbyllur sezonin me Borusia Dortmund.
Manchester City can confirm that we have reached an agreement in principle with Borussia Dortmund for the transfer of striker Erling Haaland to the Club on 1st July 2022.
— Manchester City (@ManCity) May 10, 2022
The transfer remains subject to the Club finalising terms with the player.
Siti do të derdhë në arkat e klubit gjerman shumën e 75 milionë eurove, pasi kjo është shifra e klauzolës për prishjen e parakohshme të kontratës së Haland. Pasi nuk ia doli të blinte Herri Kejn verën e kaluar, trajneri Guardiola tani do të ketë një sulmues të fortë qendre.
Nga kontrata e re me Mançester Sitin, Haland do të përfitojë 30 milionë euro në vit. Ai ka firmosur për klubin anglez për 5 vitet e ardhshme. Shifra vërtet të një ‘top player’-i. Bie poshtë kështu pista e transferimit të norvegjezit te Real Madrid.
Në Dortmund ndërkohë kanë nisur punën për të gjetur një zëvendësues për Haland. Ai pritet të jetë Karim Adejemi, një sulmues i datëlindjes 2002. Këtë sezon ai ka shënuar 19 gola në 22 ndeshje me Salcburgun në kampionatin austriak. Adejemi ka shënuar edhe 3 gola në Ligën e Kampionëve.
Tani zërat e merkatos do të kalojnë te Kilian Mbape. Francezi pritet të kalojë te Real Madrid, por kohët e fundit ka pasur të tjera përpjekje nga PSG për ta bindur të qëndrojë. Megjithatë, vështirë që Reali të rrijë pa marrë një lojtar klasi për sezonin e ardhshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
