Gazeta Si – Janë gjetur dy turistët gjermanë, të cilët kanë kishin humbur rrugën dhe më pas u rrëzuan në një humnerë në alpet mes Valbonës dhe Thethit.
Dyshohet se ata janë burrë dhe grua, por për fat të keq, njëri prej tyre ka humbur jetën si pasojë e plagëve të marra.
Viktima raportohet se është burri. Burime nga stafi mjekësor thonë se gruaja është jashtë rrezikut për jetën, por mund të dërgohet në Spitalin e Shkodrës.
Një helikopter i Urgjencës Kombëtare ka mbërritur në zonë për traportimin e turistëve.
Dy turistët po eksploronin zonën mes Thethit dhe Valbonës kur u rrëzuan në zonën e quajtur Qafa e Valbonës.
Mësohet se grupi i turistëve përbëhej nga 4 persona, të cilët kishin humbur rrugën që duhej të ndiqnin.
Pak ditë më parë, një çift turistësh polakë në rrugë nacionale Shkodër-Lezhë humbën jetën në një aksident me motor.
Ata u përplasën me një 27-vjeçar i cili drejtonte një automjet dhe në tentativë për t’u kthyer në një pikë karburanti, i goditi për vdekje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
