Gazeta Si - Një shtëpi e përshtatur për kultivimin e kanabisit është zbuluar në Laç gjatë aksionit të koduar “Bogzat”.
Policia thotë se në banesën në pronësi të Mark Janit, u gjetën 19 bimë kanabis të cilat ishin kultivuar në kova.
Brenda dhomës kishte instalime elektrike me llamba, aspiratorë dhe tubacione uji. Gjithashtu u kostatua dhe lidhje e paligjshme energjie.
Pronari i banesës, 34 vjeç, u arrestua nga policia për veprat penale kultivim i bimëve narkotike dhe vjedhje e energjisë elektrike.
Gjithashtu, u procedua penalisht në gjendje të lirë për shpërdorim detyre faturistja e OSHEE, 46-vjeçarja R.Ll.
Shërbimet e policisë kanë sekuestruar në cilësinë e provës materiale bimët narkotike, pajisjet elektrike dhe hidraulike që dyshohet se shërbenin për kultivimin e bimëve narkotike në ambiente të mbyllura.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.