Gazeta Si – Kampionati ukrainas është mbyllur zyrtarisht. Ndeshjet ishin pezulluar që më 24 shkurt për shkak të pushtimit të vendit nga Rusia. Liga e futbollit në Ukrainë u ka komunikuar të gjitha skuadrave të nivelit elitar se sezoni 2021/2022 është i mbyllur.
Klasifikim përfundimtar mbetet ai që ishte para ndërprerjes, me Shakhtar Donjetskun kryesues, 2 pikë para Dinamos së Kievit. Megjithatë, për këtë sezon nuk do të njihet asnjë ekip kampion, titulli nuk do të jepet.
Renditja duhet për përcaktimin e skuadrave për sezonin e ardhshëm të Kupave të Europës. Shakhtari dhe Dinamo Kiev do të marrin pjesë në Ligën e Kampionëve, edhe pse në këto kohë është e vështirë të mendosh për të ardhmen për shkak të luftimeve që kanë shkaktuar viktima.
“Të gjitha skuadrat e Premier Ligës ukrainase kanë pranuar propozimin për mbylljen e sezonit 2021/2022. Kampionati nuk mund të përfundojë për shkak të luftës. Klasifikimi i 24 shkurtit 2022 do të mbetet në fuqi për këtë sezon, ku nuk do të jepet titulli kampion”, – shkruhet në komunikatën zyrtyre të ligës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
