Gazeta Si – Xhakomo Vrioni nuk ndalet në Austri. Ai shënoi sot 3 gola në fitoren 4-0 të Tirolit ndaj Laskut, duke konfirmuar momentin e artë për po kalon. Në 2 ndeshjet e fundit, sulmuesi i Kombëtares shqiptare ka shënuar 5 gola, duke qenë protagonist absolut i skuadrës së tij.
Vrioni shënoi golin e parë të ndeshjes pas një depërtimi të shpejtë. Ai shënoi edhe golin e dytë personal dhe të tretin për skuadrën e tij që në pjesën e parë, ndërsa në pjesën e dytë kompletoi tripletën, që e fut plotëesisht në garë për “Këpucën e Artë” të kampionatit austriak.
Futbollisti shqiptar është ngjitur në kuotën e 15 golave, kurse Adejemi i Salcburgut, i cili kryeson listën e golashënuesve më të mirë, ka 2 gola më shumë.
Tiroli, falë golave të Vrionit, është në një zonë komode të renditjes dhe shpreson të futet në “Play-off”-in e Ligës së Konferencës. Aventura austriake ka shkuar shumë mirë për 23-vjeçarin shqiptar në pronësi të Juventusit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
