Gazeta Si – Janë ndeshje vendimtare dhe nuk pranohet asnjë moment shpërqendrimi, apo ulje e ritmit. Për këtë arsye, trajneri i Salernitanës, Davide Nikola, nuk i ka mbajtur dot nervat pas një gabimi të lojtarëve të tij.
Gjatë ndeshjes me Fiorentinën, ku Salernitan e Frederik Veselit fitoi 2-1, Niklola ka reaguar në një mënyrë shpërthyese. Ai ishte aq nervoz, sa hoqi njërën këpucë dhe ‘kërcënoi’ lojtarin që gaboi në një moment.
#Nicola si è tolto una scarpa per tirarla in testa a qualcuno #salernitana pic.twitter.com/v188Sn3QpZ
— Ufficio Certificazioni e Patenti di Lazialità (@ufficiopatenti) April 24, 2022
Skena u përsërit në fundin e ndeshjes, kur mbrojtja e Salernitanës rrezikoi shumë pas një gjuajtjeje kros të Odriozolës, ku për fat të mirë, Piatek nuk arriti të devijonte saktë. Nikola hoqi përsëri këpucën, por këtë herë e përplasi në fushë.
Salernitana ka bërë tri fitore radhazi dhe ka ndezur shpresat e qëndrimit në Serinë A, që deri pak kohë më parë ishin të fikura. Frederik Veseli ka luajtur pak gjatë këtij sezoni edhe për shkak dëmtimesh. Sot ai nuk ishte i grumbulluar me skuadrën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
