Gazeta Si – Mançester Junajtid ka zyrtarizuar sot trajnerin e ri, holandezin Erik ten Hag, me të cilin ka firmosur deri në qershor të 2025-ës, me opsionin për ta zgjatur kontratën edhe për një vit tjetër.
“Gjatë 4 viteve të fundit te Ajaksi, Erik ka treguar se është një nga trajnerët më të mirë dhe më të suksesshëm në Europë. Ai është i famshëm për futbollin tërheqës dhe sulmues të skuadrës së tij, si dhe për vëmendjen që ka te të rinjtë, – ka thënë drejtori sportiv i Mançesterit, John Murtough. – Në bisedat më të kemi mbetur të habitur nga vizioni i tij për ta ringjitur Mançesterin në nivelin e duhur”.
🇳🇱👔
— Manchester United (@ManUtd) April 21, 2022
The new First-Team Manager of Manchester United: Erik ten Hag.#MUFC || #WelcomeErik
Vetë trajneri holandez ka theksuar se është nder i madh për të të drejtojë Mançester Junajtid: “Është një nder i madh për mua të zgjidhem trajner i Mançester Junajtid. Jam shumë entuziast për sfidën që më pret. E njoh historinë e këtij klubi të madh dhe pasionin e tifozëve. Do të kem angazhimin maksimal për t’i dhënë kësaj skuadre suksesin që meriton”, – tha ten Hag.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
