Gazeta Si - Evertoni mundi të shtunën Mançester Junatid 1-0 në ‘Goodison Park’, ku Kristiano Ronaldo, i tërbuar për humbjen e dytë radhazi dhe dëmtimin që pësoi, u bë protagonist negativ i një episodi të shëmtuar që ndodhi pas ndeshjes.
Portugezi, në tunelin që të çon nga fusha e stadiumit në dhomat e zhveshjes, i rrëmbeu telefonin nga duart një tifozi 14-vjeçar që po e filmonte dhe ia përplasi atë në tokë. Një gjest shumë i gabuar nga kampioni portugez, që është dënuar nga të gjithë në rrjetet sociale.
Cristiano Ronaldo smashed someone's phone after losing to Everton, according to fans at the ground 😳
— ESPN FC (@ESPNFC) April 9, 2022
(via @evertonhub) pic.twitter.com/a20z4Sg20F
Sulmuesi i Mançesterit, pasi kuptoi rëndësinë e atij gjesti të nxituar, reagoi menjëherë në Instagram, duke kërkuar ndjesë: "Nuk është e lehtë të përballohen emocionet në momentet e vështira, si ky që po kalojmë tani. Por gjithmonë duhet të kemi respekt, të jemi të duruar dhe të japim shembullin e duhur për të rinjtë që e duan këtë lojë të bukur.
Dua të kërkoj ndjesë për atë reagim dhe, nëse është e mundur, doja ta ftoja atë tifoz të shikojë një ndeshje në 'Old Trafford’ në shenjë respekti dhe sportiviteti", - ka shkruar Ronaldo.
Nëna e djaloshit ka dhënë një intervistë për “Liverpool Echo” jo dhe aq dashëmirëse ndaj CR7. Ajo ka deklaruar se portugezi përdori dhunë, teksa mori telefonin e nga duart e djalit të saj Jake Harding, 14 vjeç, duke i shkaktuar edhe një plagë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.