Gazeta Si – Ambasadorja e SHBA-ve në Tiranë, Yuri Kim ka takuar kreun e SPAK-ut, Arben Kraja, duke mbështetur prokurorët dhe hetuesit për punën e bërë në kuadrin e reformës në drejtësi.
Nëpërmjet një postimi në Twitter ambasadorja amerikane shkruan se asnjë nuk është mbi ligjin, gjë që sipas saj duket nga numri i lartë i hetimeve, ndjekjeve penale dhe konfiskimeve të pasurisë.
“U takova sot me kreun e SPAK, Arben Kraja për të përgëzuar prokurorët dhe hetuesit që kanë sjellë më shumë rezultate reale në emër të publikut shqiptar. Rekordet në rritje të hetimeve, ndjekjeve penale, konfiskimeve të pasurive tregojnë se askush nuk është mbi ligjin”, – thotë ajo.
1/2 Met today w/ @SPAK_Albania Chief @KrajaArben1 to congratulate prosecutors & investigators for producing more & more real results on behalf of the Albanian public. The growing record of investigations, prosecutions, confiscation of assets etc show that no one is above the law.
— Ambassador Yuri Kim (@USAmbAlbania) April 8, 2022
Ndër të tjera Kim shkruan se Amerika do të vazhdojë të mbështesë fuqishëm reformën në drejtësi, për t’i dhënë fund pandëshkueshmërisë dhe për të vënë para drejtësisë zyrtarët e korruptuar dhe krimin e organizuar.
“Kjo është e nevojshme për të përmbushur kërkesat e BE-së si dhe kërkesave të të gjithë njerëzve për drejtësi”, shkruan ambasadorja amerikane në Twitter.
Nuk është hera e parë që Kim takohet me drejtuesin e SPAK-ut për të inkurajuar prokurorët për të luftuar korrupsionin dhe krimin e organizuar në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
