Gazeta Si – Partizani ka marrë një fitore të rëndësishme për javën e 27-të të kampionatit, ku ka mundur 2-1 Laçin e vendit të dytë dhe ka ndezur shpresat për vendin e 4-t, nga i cili tashmë është vetëm 1 pikë larg.
Të kuqtë kaluan në avantazh shpejt me anë të mbrojtësit Eneo Bitri, por u barazuan sapo nisi pjesë e dytë nga Laçi. Një penallti në favor të Partizanit u kthye në gol nga Skuka dhe kështu kryeqytetasit kanë marrë 3 pikë shumë të rëndësishme në një moment kyç të sezonit. Laçi ndërkohë pëson një tjetër humbje, pas asaj me Teutën.
Në rënie të lirë është Vllaznia, që sot është mundur në “Loro Boriçi” edhe nga Kastrioti, me rezultatin 1-2. Një humbje me përmbysje për shkodranët, që shënuan të parët me Aralicën, por në 10 minutat e fundit u ndëshkuan dy herë nga krutanët.
Ishte humbja e tretë radhazi për Vllazninë në kampionat. Që pas largimit të trajnerit Tomas Bërdariç, shkodranët po pësojnë disfata njëra pas tjetrës, duke rrezikuar objektivat e sezonit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
