Gazeta Si – Rikthimi i Dinamos në elitë pas gati 10 vitesh bëri bujë, pasi bëhet fjalë për një nga skuadrat më të mëdha dhe më të titulluara të vendit, por ky rikthim nuk ka shkuar ashtu siç mendohej. Skuadra kryeqytetase është në krizë të thellë dhe rrezikon shumë rënien përsëri. Aktualisht është në vend të parafundit, me 23 pikë.
Humbja e fundit me Egnatian, që ishte një finale mbijetese, nuk ka kaluar pa pasoja te Dinamo. Klubi ka vendosur sot të pezullojë dy lojtarë, Eni Imamin dhe Edvan Bakajn, për çështje disiplinore. Që të dy janë çuar tek ekipi U-19 për t’u stërvitur.
Gjatë sezonit te Dinamo janë bërë shumë lëvizje në stol, ku italiani Rodolfo Vanoli është i treti trajner qe e drejton këtë skuadër. Ka mbetur edhe një fazën kampionati dhe blutë duhet të lënë pas të paktën një skuadër, për të shkuar në Play out dhe për të shpresuar për qëndrimin në elitë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
