Pasi nxori në shitje Çelsin për shkak të sanksioneve të qeverisë angleze, pas pushtimit rus të Ukrainës, Roman Abramoviç nuk ka në plan të heqë dorë nga futbolli.
Sipas ‘Fanatic’, klani i biznesmenit të njohur rus ka nisur kontaktet me përfaqësuesit e klubit turk Gëztepe për blerjen e tij. Takimi mes palëve pritet të bëhet shumë shpejt.
Qeveria britanike ka ngrirë pronat e Abramoviçit në Angli dhe manjati rus ka vendosur të largojë nga Europa jahtin e tij, një “xhevahir” i vërtetë, që së fundi është parë në një port në Turqi.
Jahti i oligarkut rus, “My Solaris” në fakt gjendet në Bodrum. Ai ka zgjedhur Turqinë si një vend më të sigurt për të. Dhe synimi i Abramoviçit është të blejë edhe klubin e futbollit Gëztepe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
