Gazeta Si – Roko Vata, djali i ish-kapitenit të Kombëtares Rudi Vata, është grumbulluar për herë të parë nga ekipi i parë i Selltikut, ku ka luajtur edhe babai i tij. Një arritje e madhe kjo për djaloshin e ri.
Edhe pse është vetëm 16 vjeç, ai është thirrur nga trajneri i Selltikut bashkë me të riun tjetër Ben Samer, që të jetë pjesë e ekipit të parë për ndeshjen çerekfinale të Kupës së Skocisë ndaj Dandit, që luhet ditën e hënë.
Roko Vata ka lindur në Hemilton dhe ka nënshtesinë shqiptare dhe irlandeze. Ai ka zgjedhur të luajë për kombëtaren e Irlandës, duke përfaqësuar kështu vendin e nënës së tij.
Kohë më parë Rudi Vata ka pohuar publikisht se nga ana e Federatës Shqiptare të Futbollit nuk ka pasur asnjë kontakt apo interesim për djalin e tij, për ta grumbulluar me kombëtaret e moshave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
