Gazeta Si – Ambasadorja amerikane në Shqipëri, Yuri Kim ka përshëndetur miratimin e rezolutës së OKB kundër pushtimit rus në Ukrainë. Duke e quajtur votimin historik, Kim është shprehur krenare që SHBA hartoi bashkë me Shqipërinë rezolutën.
“HISTORIKE. Më shumë se 2/3 e vendeve anëtare të OKB-së votuan në favor të rezolutës që denonconte agresionin e Rusisë kundër Ukrainës. SHBA është krenare që ka qenë bashkëpenëmbajtëse me Shqipërinë në këtë rezolutë”.
HISTORIC. More than 2/3 of UN member states voted in favor of the resolution denouncing Russia’s aggression against Ukraine. 🇺🇸 is proud to have been co-pen holder with 🇦🇱 on this resolution. #StandWithUkraine https://t.co/EofXOl4aak
— Ambassador Yuri Kim (@USAmbAlbania) March 2, 2022
Asambleja e Përgjithshme u thirr me propozim të SHBA dhe Shqipërisë, pasi rezoluta nuk u miratua në Këshillin e Sigurimit.
Asambleja e Përgjithshme e Kombeve të Bashkuara ka miratuar rezolutën që dënon veprimet e Rusisë në Ukrainë. 141 anëtarë votuan pro rezolutës, 5 kundër dhe 34 shtete abstenuan. Ndërkohë që Serbia votoi pro rezolutës, duke dalë kështu në krah të vendeve që dënojnë pushtimin në Ukrainë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
