Nuk janë as Real Madrid dhe as Juventusi në të ardhmen e mesfushorit francez, Pol Pogba. Sezonin e ardhshëm ai do të veshë fanellën e PSG-së dhe për këtë fakt në Spanjë janë të sigurt.
Shtypi sportiv spanjoll ka zbuluar lajmin se mesfushori ka firmosur madje një paramarrëveshje me klubin parisien. Kontrata e Pol Pogba me Mançester Junajtid përfundon në qershor dhe ai e ka treguar shpesh se nuk dëshiron të qëndrojë më te “Djajtë e kuq”.
Për të nisi menjëherë përpjekjet Reali, me Juventusin gjithmonë pas krahëve për një rikthim të bujshëm në Torino. Reali tashmë e ka përqendruar gjithë vëmendjen te Mbape, të cilin e konsideron goditjen e madhe të verës, kurse te Juventusi duket se e kanë ‘fjetur’ mendjen, duke ditur që operacioni ka kosto të lartë.
Tani avancon PSG-ja, që kërkon të kthejë në Francë një nga kampionët e botës për të kompetuar çdo repart me lojtarë kalibri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
