Finalja e Ligës së Kampionëve nuk do të zhvillohet në Shën Pjetërburg, ku ishte programuar, por në Paris, në “Stade de France”.
UEFA ka vendosur që ta ndryshojë stadiumin e finales së këtij sezoni për kompeticionin më të madh për klubet europiane, që zhvillohet më 27 maj. Një vendim që vjen pas sulmeve luftarake të Rusisë ndaj Ukrainës.
Ishte një vendim i pritshëm në fakt ndryshimi i vendit të finales së Ligës së Kampionëve, edhe pse UEFA fillimisht konfirmoi stadiumin e Shën Pjetërburgut. Sot ka ardhur vendimi për spostimin e finales në Paris.
Dhe kjo është hera e tretë radhazi që ndryshon stadiumi i finales. Dy herët e para gjithçka ka ndodhur për shkak të pandemisë dhe finalja është zhvilluar në Portugali, ndërsa këtë radhë do të luhet në Francë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
