Banorët e “5 Majit” po protestojnë sot para Drejtorisë së Policisë së Tiranës, në shenjë kundërshtie për arrestimin e 5 banorëve të kësaj zone.
Ata kanë kërkuar lirimin e të arrestuarve.
Në një dalje për mediat, njëra prej protestuesve, babai i së cilës ishte arrestuar, theksoi se i ati ishte arrestuar në oborrin e shtëpisë. Ajo tha se ai nuk bëri asnjë krim, por mbrojti pronën e vet.
“Babai im është arrestuar pabesisht në oborrin e shtëpisë së tij, pasi në pjesën e oborrit ishte bërë një ndërhyrje nga IMKT, nëse mbrojtja e pronës është krim, atëherë do bëhem kriminele me gjithë qejf”, tha protestuesja.
Banorët e ‘5 Majit’ kundërshtojnë shembjen e pronave të tyre, në kuadër të zgjerimit të Unazës së Madhe dhe procesit të rindërtimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.