Bileta 1 euro në 11 sektorë të stadiumit “Giuseppe Meazza”. Kjo është iniciativa e Milanit për ndeshjen e radhës me Udinezen, me qëllimin që tifozët të mbushin stadiumin. Në fakt, është një ndeshje e komplikuar sa i takon orarit, sepse luhet të premten, në orën 18.45.
Kapaciteti i stadiumeve deri në masën 75% do ta lejonte Milanin teorikisht të kishte 56.904 spektatorë në stadium dhe për t’iu afruar sa më shumë kësaj shifre klubi kuqezi ka vendosur të lançojë iniciativën “Promo Friends”.
Çfarë do të thotë? Kush blen një biletë me çmimin e saj real, ka të drejtë të marrë deri në 3 bileta të tjera me çmimin 1 euro secila. Sektorët ku është i vlefshëm ky promocion ndodhen në të tria unazat e impiantit.
Milani kryeson Serinë A, 2 pikë para Interit, dhe ka shanse reale për të fituar titullin kampion, ndaj dhe klubi në këtë moment po bën lëvizje të tilla, që me anë të tifozëve ta ndihmojë skuadrën për të arritur rezultatet sa më të mira.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
