Gazeta Si – Fundjava që shkoi nuk ishte shumë e mirë për futbollistët e Kombëtares që luajnë në Serinë A. Vlerësimet për ta kanë qenë përgjithësisht poshtë mesatares. Asnjëri nuk mundi të linte gjurmë në ndeshjet e javës së 26-të, por pozitiv është fakti që të gjithë luajtën titullarë.
Lacio barazoi 1-1 në fushën e Udinezes. Strakosha dhe Hysaj ishin në fushë nga minuta e parë dhe u vlerësuan respektivisht me notën 6 dhe 5.5. Portieri kuqezi në fakt u dallua për disa pritje, duke e shpëtuar Lacion nga goli i dytë, kurse Hysaj ishte në një nivel poshtë mesatares, pasi gaboi edhe në rastin e golit të Udinezes.
Marash Kumbulla ishte titullar në barazimin 2-2 të Romës ndaj Veronës. Edhe ai është vlerësuar me notën 5.5. Mbrojtja e Romës ishte në një ditë të keqe në atë ndeshje dhe Kumbulla nuk bëri përjashtim. Berat Gjimshiti nuk luajti një ndeshje të plotë ndaj Fiorentinës, ku Atalanta humbi 1-0 dhe mbrojtësi kuqezi mori notën 6. Ndeshja e tij u kushtëzua shumë nga kartoni i verdhë që mori që në fillim.
Nedim Bajrami dhe Kristjan Asllani edhe këtë fundjavë ishin të besuarit e trajnerit Andreacoli tek Empoli, që humbi 2-0 në fushën e Sampdorias. Bajrami ishte ndër të paktët lojtarë me një paraqitje pozitive tek Empoli dhe u vlerësua me notën 6, ndërsa Asllani mori notën 5.5.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
