Dhimbja e Milanit për dy pikët e lëna ndaj Salernitanës është zbutur disi sot, pas humbjes në shtëpi të Interit ndaj Sasuolos, me rezultatin 0-2. Renditja nuk ndryshon, me Milanin 2 pikë para (56), por Interi ka një ndeshje më pak.
Interi ka marrë një goditje të fortë edhe në kampionat, pas asaj në Ligën e Kampionëve nga Liverpuli, me të njëjtin rezultat. Një moment delikat për skuadrën e trajnerit Simone Inzagi, me dy humbje në shtëpi, ku pa dyshim kjo e kampionatit është e papritur. Zikaltrit nuk kanë mundur kështu të bëjnë parakalimin ndaj Milanit.
Pjesa e parë ishte mjaft e mirë për Sasuolon, që realizoi fillimisht me Raspadorin dhe më pas me Skamakën, ndërsa Berardi goditi traversën. Në pjesën e dytë Interi u hodh në sulm, por kishte përballë një Konsilji në formë të jashtëzakonshme, ndërkohë që rrezikoi të pësonte golin e tretë disa herë. Rezultati nuk ndryshoi dhe ky është një hap i gabuar për Interin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
