PSG investoi për të marrë Lionel Mesin, duke besuar se me argjentinasin e famshëm mund të fitojë Championsin, por protagonist për parisienët mbetet sërish ai, Kilian Mbape. Ishte ai njeriu i fitores për francezët ndaj atij që me shumë mundësi do të jetë ekipi i tij i ri në verë, Real i Madridit.
PSG-ja fitoi 1-0 aktin e parë, me golin e Kilian Mbape në minutën e 94-t. Kur kishte kaluar një orë lojë, Lionel Mesi humbi një penallti dhe nëse nuk do shënonte Mbape, kritikat për të do të ishin të shumta. Ish-ylli i Barcelonës u ndal nga portieri Tibo Kurtua.
Kylian Mbappé 👽 pic.twitter.com/HIv8uZy6Z9
— Nathan (@Nathan_Gr_) February 15, 2022
“Alieni” Mbape bëri një kryevepër në shtesë, me një goditje vdekjeprurëse. Reali ka në dispozicion edhe ndeshjen e kthimit për të kërkuar kualifikimin, por kuptohet që për të besuarit e Ançelotit do të jetë mjaft e vështirë. Në Paris Reali bëri një paraqitje të dobët dhe nuk mundi të shënonte.
Për Mançester Sitin ishte një shëtitje në Portugali. Skuadra e Pep Guardiolës mundi 0-5 Sportingun e Lisbonës, duke siguruar që në këtë ndeshje kalimin në turin tjetër. Mahrez, Bernardo Silva dy herë, Foden dhe Sterling shënuan për anglezët, të cilët treguan diferencën e madhe që kanë me portugezët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
