Gazeta Si – Dorë e fortë e policisë greke në ditën e derbit të Athinës mes Olimpiakosit dhe AEK-ut. Pas vdekjes së tifozit 19-vjeçar nga Selaniku, qeveria greke ka reaguar kundër dhunës në stadiume nga grupimet ultras.
Pas vrasjes së 19-vjeçarit Alkis Kampanos në Selanik, masat kundër dhunës së tifozëve janë kthyer në një prioritet absolut në Athinë dhe në gjithë Greqinë. Alkis Kampanos u rrah barbarisht deri sa humbi jetën në një sherr me tifozë të tjerë më 1 shkurt, afër stadiumit të Arisit, ekipit të zemrës.
Që në momentin që Greqia vendosi të forcojë ligjet për të luftuar dhunën në eventet sportive, janë bërë hetime, kontrolle dhe bastisje gjatë ditëve të fundit në selitë e disa grupimeve ultras (sot luhet derbi Olimpiakos-AEK).
Ka pasur më shumë se 15 operacione blitz në klubet e Olimpiakosit, Panathinaikosit dhe AEK-ut. Policia ka bastisur vendet ku qëndrojnë tifozët ultras të klubeve më të mëdha të Athinës. Kontrolle janë bërë në Nea Ionia, Galatsi, Aspropyrgos, Megara, Markopoulos dhe Lavrio.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
