Vllaznia i bashkohet Teutës në gjysmëfiale të Kupës së Shqipërisë. Pas durrsakëve, të cilët eliminuan dje Skënderbeun, sot edhe shkodranët janë kualifikuar, pasi mundën 1-0 Flamurtarin në ndeshjen e kthimit.
Ishte një fitore e mundimshme për Vllazninë në “Loro Boriçi”, ku vlonjatët iu afruan disa herë golit në pjesën e parë, madje në fund të saj e gjetën rrugën e rrjetës, por VAR-i e anuloi atë. Pjesa e dytë ishte ndryshe, me Vllazninë që realizoi golin e fitores.
Mustedanagiç, i cili kishte shënuar edhe 2 golat e fitores në Vlorë, theu rezistencën e Flamurtarit. Me rezultatin e përgjithshëm 3-1 shkodranët kalojnë në gjysmëfinale të Kupës së Shqipërisë, kurse ëndrra e vlonjatëve, të cilët këtë sezon luajnë në Kategorinë e Dytë, ka përfunduar këtu.
Laçi u kualifikua për në gjysmëfinale, falë penalltive, pasi të dyja ndeshjet me Egnatian u mbyllën në baazim, 1-1 dhe 0-0. Nga pika e bardhë kurbinasit gabuan 2 herë, kurse rrogozhinasit 3 herë.
Derbi i mbrëmjes mes Partizanit dhe Dinamos u fitua nga ekipi i kuq me rezultain 1-0, ndërsa ndeshaja e parë kishte pvrfunduar në barazim, 1-1. Xhuljano Skuka realizoi golin e fitores për Partizanin në “Air Albania”. Në gjysmëfinale Partizani do të ndeshet me Teutën, kurse Vllaznia me Laçin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
