Senegali është shpallur për herë të parë në histori kampion i Afrikës, pasi ka mundur Egjiptin në finale. Në Youndè, në Kamerun, festa ishte e gjitha për Kulibali dhe Mane me shokë, të cilët kishin me vete edhe fatin te ruleta e penalltive, që përfunduan 4-2.
Koha e rregullt dhe 30 minutat shtesë përfunduan me rrjeta të paprekura. Senegali humbi edhenjë penallti që në fillim të ndeshjes me Mane, i cili pastaj shënoi penalltinë vendimtare, që i dhuroi fitoren Senegalit.
Një fitore historike për skuadrën e udhëhequr nga mbrojtësi i Napolit, Kulibali, dhe sulmuesi i Liverpulit, Mane. Egjiptiani Mohamed Salah, sulmuesi tjetër i Liverpulit, shpërtheu në lot pas disfatës. Abdelmonem dhe Lashen gabuan nga pika e bardhë për Egjiptin, ndërsa Senegali humbi vetëm një penallti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
