Laçi fiton 1-0 ndaj Partizanit në javën e 18-të të Abissnet Superiores dhe tashmë është ai anti-Tirana në garën e titullit. Kurbinasit pas këtij triumfi janë të vetëm në vend të dytë, me 24 pikë, 6 më pak se kryeqytetasit.
Njeriu i ndeshjes ishte mesfushori kavajas, Regi Lushkja, i cili realizoi golin e fitores 20 minuta para fundit me një veprim të bukur teknik. Ishte një gol i veçantë për Lushkjen, ai luajti ndeshjen e fundit me fanellën e Laçit, sepse tashmë do ta vazhdojë karrierën me Sherifin e Tiraspolit në Moldavi.
Partizani ndërkohë mbetet në vendnumëro në renditje, shumë larg vendeve të para. Pas barazimit me Kastriotin vjen kjo humbje, që e komplikon edhe më shumë situatën në kampion e kuq.
Në të njëjtën situatë është edhe Dinamo, që barazoi 1-1 me Egnatian në Rrogozhinë, ku pati dhunë ndaj arbitrit Jorgji dhe pjesa e dytë nisi me vonesë. Edhe pse Egnatia mbeti me 10 vetë që në fillim, Dinamo nuk mundi të merrte më shumë se 1 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
