Partizani ka bërë tri afrime të rëndësishme në fundin e merkatos së dimrit. Klubi i kuq së fundi ka marrë një mbrojtës të majtë, një sulmues dhe një mesfushor. I fundit është pikërisht mesfushori kongolez, një lojtar që është pjesë e kombëtares së vendit të tij dhe që shihet si një element mjaft cilësor.
“Masanga Matondo është lojtar i Partizanit. Klubi zyrtarizon arritjen e marrëveshjes me mesfushorin organizator kongolez, i cili ka firmosur me të kuqtë një kontratë për dy vite e gjysëm. Fantazisti 22-vjeçar ishte pjesë e kampionatit kongolez me skuadrës AS Otoho. Ai ka dy ndeshje me përfaqësuesen e Kongos”, – shkruhet në njoftimin zyrtar të klubit Partizani për goditjen e fundit në merkato.
Pak ditë më parë është arritur marrëveshja edhe me mbrojtësin brazilian Fernando Augusto Araujo, si dhe me ulmuesin serb Milan Mirosavljev. Të kuqtë kanë vuajtur shumë në sulm gjatë këtij kampionati dhe mendohet se me afrimet e fundit ta kenë zgjidhur këtë problem.
Partizani, që luan nesër ndeshjen e radhës me Laçin në kampionat, mban vendin e 5-të në kampionat, me 22 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
