Robin Gosens është lojtar i Interit. Anësori gjerman ishte sot në Milano për të kryer vizitat mjekësore dhe për të mbyllur kalimin te zikaltrit. Ish-lojtari i Atalantës ka kryer analizat dhe pastaj ka shkuar në selinë e Interit për të firmosur kontratën deri në vitin 2026.
Atalanta do të fitojë 25 deri në 27 milionë euro, duke përfshirë edhe bonuset. Gosens kalon tek Interi në huazim me të drejtë blerjeje pas 18 muajsh. Lojtari i datëlindjes 1994 është përforcimi i parë në merkaton e janarit dhe do të jetë i gatshëm për trajnerin Inzagi vetëm në fund të shkurtit, pasi duhet të rikuperohet nga një dëmtim muskulor.
Gosens nuk luan prej 29 shtatorit, kur kundër Jang Bojs pësoi një tëheqje të gradës së tretë në kofshën e djathtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
