Vllaznia shtyn sërish festën e fitores në kampionat. Për të katërtën ndeshje radhazi, shkodranët kanë barazuar, por këtë herë 2 pikët e lëna djegin më shumë, sepse i kanë lënë në stadiumin “Loro Boriçi” dhe ndaj një kundërshtari si Egnatia.
Ishin rrogozhinasit ata që shënuan të parët në fundin e pjesës së parë, kur mbrojtja e Vllaznisë nënvlerësoi Ademin dhe ky i fundit i ndëshkoi me gol. Skuadra e trajnerit Bërdariç barazoi 20 minuta para fundit me mesfushorin Ardit Krymin, i cili goditi saktë me kokë në zonë. Da Silva humbi një rast të pastër për shënim shumë pranë portës së Egnatias.
Sulmi i Vllaznisë, që është nga më të mirët e kampionatit, duket se ka humbur ‘busullën’. Në 4 ndeshjet e fundit shkodranët kanë shënuar vetëm 2 gola dhe kanë marrë vetëm 4 pikë, duke mbetur prapa me kreun. Vllaznia ka 27 pikë, kurse Tirana kryesuese 34 pikë dhe një ndeshje më pak.
Java e 17-të e Abissnet Superiores është shpërndarë në 4 ditë dhe vazhdon të shtunën me Partizani-Kastrioti dhe Teuta-Laçi, të dielën me Kukësi-Skënderbeu dhe mbyllet të hënën me derbin Dinamo-Tirana.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
