Pas shumë fjalësh, ka ardhur edhe lëvizja e pasrë e vërtetë dhe konkrete te Juventusi. Ekipi i Alegrit e ka nisur keq sezonin, por gradualisht po kthehet qetësia, ndërsa drejtusit janë hedhur në sulm për Dushan Vlahoviç, një lojtar që kërkohet nga shumë klube europiane.
Oferta për serbin është e rëndësishme: 35 milionë euro “cash”, plus kartonin e Dejan Kulusevskit. Mbetet të shihet tani, nëse kjo ofertë do ta bindë apo jo Komison, ndërkohë Arsenali ka gati 68 milionë euro për sulmuesin e Fiorentinës, si dhe një kontratë prej 18 milionë eurosh për Vlahoviç.
Është e qartë që Juventusi është në sfond të tratativave të dështuara për rinovimin e Vlahoviçit me Fiorentinën. Sulmuesi ka hedhur poshtë të gjitha propozimet ndoshta duke pritur lëvizjen konkrete të klubit bardhezi. Duke parë edhe afrimin e Piatek, Fiorentina mund ta shesë Vlahoviçin, por problemi është me cilat kushte.
Kanë mbetur edhe 10 ditë kohë. Juventusi e kërkon menjëherë sulmuesin serb dhe tani fjalën e ka presidenti i Fiorentinës, Roko Komiso.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
