Ka nisur shitja e biletave për Botërorin e futbollit Katar 2022, që zhvillohet më 21 nëntor deri më 18 dhjetor. Çmimet e biletave janë më të ulëta në krahasim me Botërorët e mëparshëm, sipas një njoftimi të FIFA-s.
Tifozët e futbollit nga çdo vend i botës mund të blejnë bileta duke nisur nga 69 dollarë, rreth 1/3 më pak e çmimit të biletave të Botërorit 2018 në Rusi. Çmimi i një bilete për finalen mund të shkojë deri në 1607 dollarë. Organizatorët nuk kanë bërë ende me dije sa spektatorë mund të hyjnë në stadium për shkak të paqartësive që lidhen me Covid-in.
Rezidentët në Katar dhe punëtorët emigrantë, – trajtimi i të cilëve ka shkaktuar shumë polemika, – mund të marrin bileta për 11 dollarë, pra më pak se 10 euro.
Tifozët që kapin që tani oferta të ndryshme dhe prenotojnë biletat për ndeshjet që preferojnë, apo bëjnë prenotimin për një stadium të caktuar, do të marrin pjesë në një lotari që nis më 8 shkurt. Fituesit do të përcaktohen para datës 8 mars.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
