Edhe dita e katërt e fazës së grupeve të Kupës së Afrikës ka prodhuar çudira. Mali mundi 1-0 Tunizinë, por bujë ka bërë gabimi i dyfishtë në fund i arbitrit Janny Sikazwe. Ai vërshëlleu dy herë para kohe për fundin e ndeshjes, duke tërbuar tunizianët.
Në 2018-ën ky arbitër nga Zambia ishte pezulluar nga CAF pas dyshimeve për korrupsion pas një ndeshjeje mes Esperance të Tunizisë dhe Primeiro de Agosto të Angolës. Akuat për korrupsion më pas ranë për mungesë provash. Edhe në 2016-ën ka pasur një episod kontrovers: nuk i dha kartonin e dytë të verdhë Serxhio Ramosit ndaj Kashimës.
L'arbitro di Tunisia – Mali che ha fischiato PER DUE VOLTE la fine della partita in anticipo simbolo internazionale del Fronte di Resistenza di noi che vogliamo sempre andarcene prima del tempo dalle situazioni. Siamo con te. ♥️ https://t.co/Dq0GwUm6pY
— Ferdinando Cotugno (@FerdinandoC) January 12, 2022
Në ndeshjen e sotme mes Tunizisë dhe Malit ai dha dy penallti, por kaosin e shkaktoi në fund. Fillimisht vërshëlleu për fundin e ndeshjes 5 minuta para kohe, duke habitur të pranishmit, më pas ndërroi mendje, por përsëriti gabimin 15 sekonda para minutës së 90-të, pa dhënë asnjë minutë shtesë (të paktën 5 ishin të detyruara, pasi u pa 3 herë VAR-i).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
