Shqipëria do të ketë tashmë edhe një treshe tjetër arbitresh futbolli femra. Arbitrja kryesore Mirela Çemeri e kolegjiumit të Durrësit ka marrë stemën e FIFA-s, ashtu si dhe dy asistentet Mirjeta Salla dhe Edjena Kapxhiu.
Kjo është treshja e dytë e arbitreve femra të futbollit në Shqipëri që bëhet ndërkombëtare. Më parë stemën e FIFA-s e kanë marrë kryesorja nga Elbasani, Emanuela Rusta, dhe dy asistentet Erinda Kume e Koleta Prenga.
Tashmë bëhen 6 arbitre nga Shqipëria që mund të gjykojnë edhe në arenën ndërkombëtare. Ky është një hap i madh përpara sa i takon këtij sektori, ndërkohë që edhe futbolli i femrave në vendin tonë po bën hapa të rëndësishëm përpara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
