“Çfarë ndodh me Europianin, nëse Botërori organizohet çdo dy vjet? E njëjta gjë, edhe Europiani do të luhet një herë në dy vjet”. E thotë presidenti i FIFA-s, Xhani Infantino, i cili vazhdon të insistojë me idenë e tij për Kupën e Botës çdo dy vjet.
“Nuk është një kërkesë e imja, por e Kongresit të FIFA-s, – vazhdon më tej Infantino. – Nga pikëpamja sportive funksionon dhe imapkti ekonomik është pozitiv për të gjithë. Ajo që është më e rëndësishme ka të bëjë me faktin se është pozitive edhe për mbrojtjen e kampionateve kombëtare dhe vetë futbollistëve, sepse do të ketë më pak ndeshje dhe një pauzë në korrik. Në Europë ka kundërshtime, por duhet gjetur mënyra për të bashkuar botën e futbollit”.
UEFA kundërshton fort organizimin e Botërorit çdo dy vjet dhe rrjedhimisht edhe të Europianit. Po ashtu, kundër janë edhe ligat dhe klubet e mëdha. “Për çështjen e Botërorit çdo dy vjet do të marrim kohën e nevojshme, do të shohim çdo mundësi. Rëndësi ka që të respektojmë opinionin e të gjithëve”, – ka shtuar Infantino, kreu i FIFA-s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
