Ilir Daja nuk është më trajner i Partizanit. Klubi i kuq nuk e ka bërë ende njoftimin zyrtar, por palët kanë vendosur të mbyllin bashkëpunimin pas një takimi të fundit që kanë pasur mes tyre. Për të kuptuar më qartë, nëse është një shkarkim, apo ndarje me konsensus, duhet pritur njoftimi i klubit kryeqytetas.
Ecuria e Partizanit këtë sezon nuk është aspak e mirë, me 18 pikë në 15 ndeshje dhe vendin e 5-të në klasifikim. Por në largimin e Dajës duket se ka ndikuar shumë humbja e dytë në derbin me Tiranën për këtë sezon. Daja është ulur në stolin e ekipit të kuq në gusht të vitit 2020 dhe tani, pas një viti e gjysmë, vjen largimi i tij.
Për momentin nuk ka emra kandidatësh për zëvendësuesin e Dajës te Partizani. Klubi ka kohën e nevojshme në dispozicion dhe nuk do të nxitohet, pasi kampionati është ndërprerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
