Pep Guardiola nuk bën asnjë tolerim për futbollistët e tij, as për festat e fundvitit. Ata që nuk e dinin e kanë kuptuar kur trajneri katalanas ka lënë jashtë ndeshjes me Njukasëllin Fill Foden dhe Xhek Grilish, dy nga yjet e rinj të skuadrës.
Të dy këta lojtarë kanë qëndruar gjithë kohën në stol dhe kjo ka ardhur për shkak të një ndëshkimi të Gurdiolës, sepse Grilish dhe Foden e kanë teperuar pak me “festën” pas fitores 7-0 ndaj Lidsit. Ata kishin dale të festonin bashkë gjithë natën, duke injoruar situatën me Covid-in dhe porosinë e trajnerit për të pasur kujdes maksimal.
“Foden dhe Grilish në stol për rotacion? Jo, nuk kanë luajtur, sepse të tjerë lojtarë e meritonin ta bënin këtë gjë, – ka thënë Guardiola, sipas “Marca”-s. – Veçanërisht në ditët e festave lojtarët duhet të jenë shumë të kujdesshëm dhe unë duhet të mendoj si për sjelljen e tyre në fushën e lojës, ashtu edhe jashtë saj. Nëse sjellja jashtë fushe nuk është ajo e duhura, lojtarët do të qëndrojnë jashtë.
Pushimet? Duhet të jemi të përqendruar për atë që po ndodh në përgjithësi dhe për më tepër për festat e fundvitit. Na duhet të kemi përqendrimin e duhur brenda dhe jashtë fushe”, – ka theksuar trajneri i Mançester Sitit, Pep Guardiola.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
