Në futbollin gjerman ka ndodhur ajo që pritej. Pas pauzës dimërore ndeshjet do të zhvillohen pa praninë e tifozëve. Vendimi zyrtar është marrë sot nga kancelari Scholz për të parandaluar shtimin e rasteve të Covid-it.
Nga data 28 dhjetor, të gjitha eventet sportive do të jenë pa publik. Pandemia vazhdon të peshojë shumë në botën e sportit dhe shtimi i shpejtë rasteve pozitive edhe në Gjermani, me variantin Omicron që e ka agravuar situatën, e ka shtyrë kancelarin e ri Olaf Scholz të miratojë dekretin që ndalon pjesëmarrjen e publikut në eventet sportive që prej datës 28 dhjetor.
Vendimi i tij ka ardhur pas një mbledhjeje me drejtuesit e Landeve. Bundesliga për momentin ka marrë pushimet dimërore dhe ndeshja e parë është programuar të zhvillohet më 7 janar, kur Bajern Mynih do të presë Borusia Mënshegladbah. Të shtunën e 8 janarit pastaj do të luhen edhe ndeshjet e tjera të javës së 18-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
