Komiteti Ekzekutiv i Federatës Shqiptare të Futbollit ka vendosur sot, në mbledhjen e radhës, që të gjitha ekipet e moshave në vend, nga 7-vjeçarët e deri te 19-vjeçarët, të furnizohen gratis me gjithë bazën e nevojshme materiale për stërvitje dhe për ndeshje.
Do të jetë një ndihmë e madhe për të gjithë ata fëmijë që aspirojnë të bëhen futbollistë, por edhe për akademitë e futbollit në Shqipëri. Ky investim do t’i kushtojë FSHF-së rreth 1 milionë euro në vit.
Ky vendim vjen pas një sërë projektesh të FSHF-së për përmirësimin e kushteve të futbollit në vendin tonë, sidomos të infrastrukturës sportive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
