Edhe Tirana provon forcën e Laçit. Skuadrae Mirel Josës, pas Dinamos dhe Kukësit, ka mundur sot edhe Tiranën 1-0, duke mos lejuar shkëputjen e kryeqytetasve dhe duke iu afruar më shumë kreut. Kurbinasit janë tashmë 6 pikë larg Tiranës, kurse Kukësi i vendit të dytë 3 pikë larg dhe Vllaznia 4 pikë.
Ndeshja e luajtur sot në Laç u vendos nga një penallti në minutën e fundit të kohës së rregullt, që arbitri nuk e akordoi, por pas konsultimit me VAR-in ndërroi mendje. Ishte një penallti naïve e shkaktuar nga portieri Bekaj, që Regi Lushkja e ktheu në gol dhe i dha fitoren skuadrës së tij.
Me Josën në krye Laçi është bërë një “violinë e parë” e Superiores, të paktën për momentin, pasi ka mundur dy ekipet kryesuese dhe ka bërë një ngjitje të shpejtë të shkallëve të renditjes. Dora e trajnerit kryeqytetas është e padiskutueshme. Laçi gëzon një formë shumë të mirë dhe pa frikë mund të konsiderohet pretendent për titullin, nëse vazhdon me këtë ritëm.
Gjatë ndeshjes pati edhe përplasje me dy tifozerive, të cilat sulmuan njëra-tjetrënme sharje dhe hedhje sendesh. Laçi-Tirana ishte ndeshja që mbylli javën e 13-të të Superiores. Vazhdon të kryesojë Tirana me 27 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
