Vllaznia ka bërë detyrën në “Loro Boriçi”, ku ka mundur 2-0 Skënderbeun për javën e 13-të të Abissnet Superiores. Një fitore që e ngjit skuadrën shkodrane në kuotën e 23 pikë, aq sa ka edhe Kukësi i vendit të dytë, që ndeshet me Teutën nesër.
Tirana e vendit të parë ka 27 pikë, por titulli nuk është më çështje vetëm mes saj dhe Kukësit. Edhe Vllaznia mund të thuhet me bindje se është plotësisht në garë. Në 5 ndeshjet e fundit, të besuarit e trajnerit Tomas Bërdariç kanë 4 fitore dhe 1 barazim, duke e shkurtuar diferencën me kreun.
Vlen të theksohet se sulmi shkodran është në një formë mjaft të mirë. Ndaj Skënderbeut golat e fitores u shënuan nga Ardit Hoxhaj dhe Ante Aralica. Vllaznia kishte disa mungesa në këtë ndeshje, kapitenin Gurishta dhe mesfushorin Ardit Krymi.
Në ndeshjen tjetër të luajtur sot, Kastrioti i vendit të fundit mundi Egnatian rivale, 1-0. Java e 13-të vazhdon të hënën me ndeshjet Laçi-Tirana, Teuta-Kukësi dhe mbyllet me derbin e kryeqytetit Partizani-Dinamo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
