Totenhemi është kthyer në një vatër Covid-i, me 13 persona pozitivë, por ky numër parashikohet të rritet në vazhdim. Trajneri Antonio Konte ka bërë me dije se janë 8 lojtarë të infektuar dhe 5 pjesëtarë të stafit teknik.
“Çdo ditë kemi një pozitiv më shumë dhe jemi të gjithë të friëksuar, – ka thënë Konte para ndeshjes së Ligës së Konferencës me Renes, që tashmë është anuluar nga UEFA. – Lojtarët kanë familjet e tyre, nuk ka pse të rrezikojmë. Sot kishim dy të tjerë pozitivë, nesër ku i dihet”.
Nuk është ende e qartë, nëse Totenhemi do të luajë apo jo të dielën ndaj Bajtonit në kampionat, sepse protokolli i Premier Ligës është ndryshe nga ai i UEFA-s.
Një tjetër skuadër angleze që ka pasur probleme me të infektuarit nga Covid-19 është Leiçesteri, që sot luan kundër Napolit. Trajneri Brendon Roxher snuk ka të gatshëm 7 futbollistë për këtë ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
