“Pa biletë, të dehur dhe të droguar”. Në finalen e Euro 2020, më 11 korrik, 2000 tifozë “mund të kishin shkaktuar një tragjedi të vërtetë me shumë të vdekur”. Të frikëson vërtet ajo që shkruhet në raportin e rezervuar dhe që është publikuar sot në Britaninë e Madhe.
Sipas këtij raporti, tentativat për “dhunim në masë” në kangjellat e stadiumit nga ana e këtyre tifozëve problematikë, ishin më shumë se 17. Disa prej tyre hapën rrugën drejt një vendi që të çon në hyrjet e personave me aftësi të kufizuar, duke marrë me grushte e shkelma stjuadrët dhe duke hyrë në brendësi të impiantit të “Wembley”-it.
“Sjellja e një minorance tifozësh të Anglisë nuk ishte vetëm e turpshme, por vuri në rrezik edhe jetën e të tjerëve, – ka thënë Louise Casey, një ekspert dhe ish-funksionar i qeverisë, në një raport prej 129 faqesh, që është publikuar sot. – Ajo sjellje e frikshme e tifozëve duhet të jetë një kambanë alarmi për të gjithë ne.
Për shumë kohë, veprimet e kësaj minorance tifozësh anglezë janë toleruar si pjesë e kulturës sonë kombëtare, në vend që të kundërshtoheshin në front të gjerë”. Nga ana e qeverisë britanike nuk ka pasur asnjë reagim zyrtar, vetëm heshtje dhe turp, sigurisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
