Kanë refuzuar të dëshmojnë në hetimet e Prokurorisë së Torinos në lidhje me bilancet false të Juventusit. Bëhet fjalë për ish-menaxherin Marko Re (duhej të dëshmonte sot) dhe Stefano Bertola.
“Çështjet në fjalë, – ka shpjeguar përfaqësuesi i tyre ligjor, avokati Luixhi Kiapero, – janë esencialisht të karakterit teknik dhe e kanë parë të nevojshme të reflektojnë”. Re nuk ka qenë mes personave që duhej të kontrolloheshin pas urdhrave të lëshuar nga Prokuroria.
Hetimi i “Guardia di finanza” është përqendruar te disa transferime, ku Juventusi ka dalë me plus, pjesa më e madhe e të cilëve janë shkëmbime lojtarësh me klube të tjera.
“Në 2015-ën , – ka shtuar më tej avokati i dy personave që nuk dëshirojnë të dëshmojnë, – normativa ka ndryshuar. Vlerësimi në vetvete, nuk është një vepër penale. Nëse duhen dhënë disa përgjigje, më parë duhet të njohim përmbajtjen e kontestimeve. Për momentin nuk e njohim këtë material”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
