Mirë se të vinë, por të mos e akzagjerojnë! Pas deklaratës së futbollistit Australian, Xhosh Kavalo, i cili pak javë më parë bëri të ditur publikisht se është gej dhe se ka “frikë” të luajë në Botërorin e Katarit, në një vend arab ku homoseksualiteti është i ndaluar dhe i ndëshkueshëm deri në 3 vjet burg, presidenti i komitetit organizator të Botërorit, Naser Al Khater, për CNN tha:
“Xhosh Kavalo është i mirëpritur në Katar, ku askush nuk ndihet i kërcënuar. Katari është si çdo shoqëri tjetër e kësaj bote. Të gjithë janë të mirëpritur. Por shfaqja publike e ndjenjave të dashurisë nuk mund të aprovohet, kjo është mbi gjithçka”.
Në intervistën e fokusuar te diskutimi mbi të drejtat civile, Al Khater ka shtuar: “Ideja se njerëzit nuk ndihen të sigurt këtu në Katar, nuk është e vërtetë. E përsëris, janë të gjithë të mirëpritur dhe të sigurt. Katari është një vend mikpritës dhe i dashur”.
Por me një saktësim: “Katari është një vend shumë konservator, kështu që ne u kërkojmë tifozëve ta respektojnë këtë gjë. Dhe jemi të bindur se do ta bëjnë. Ne respektojmë kulturat e tjera dhe presim që edhe kulturat e tjera të respektojmë tonën”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
