Java e 14-të e Serisë A ishte e veçantë për Elseid Hysajn, që luante në fushën e Napolit si kundërshtar. Në stadiumin ku ka kaluar 6 sezone, mbrojtësi kuqezi e nisi ndeshjen si titullar në krahun e majtë të mbrojtjes.
Lacio, e drejtuar nga ish-trajneri i Napolit, Mauricio Sarri, u mund thellë, 4-0. Ishte një ndeshje e dominuar totalisht nga Napoli, që realizoi 3 herë në pjesën e parë me Zielinskin dhe Mertens. Në pjesën e dytë vulosi rezultatin Fabian Ruiz.
Hysaj bëri një paraqitje mesatare në këtë ndeshje, ku pjesa më e madhe e lojtarëve zhgënjyen totalisht. Portieri Tomas Strakosha qëndroi gjithë kohën në stol.
Pas kësaj fitoreje, Napoli është shkëputur në krye të renditjes me 35 pikë, duke përfituar nga humbja në shtëpi e Milanit ndaj Sasuolos. Ishte humbja e dytë radhazi për kuqezinjtë e Piolit, që tashmë rrezikojnë edhe vendin e dytë, pasi Interi është afruar me një pikë diferencë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
