.png)
Përmbyllja e reformës në drejtësi, ngritja e një sistemi me kapacitete 100 për qind dhe efektiv do të vijojë të mbështetet nga Shtetet e Bashkuara të Amerikës si kusht për të garantuar demokracinë, sigurinë dhe mbrojtjen dhe të biznesit.
“Puna jonë në Ambasadën Amerikane përqëndrohet te tre prioritete: demokracia, mbrojtja e biznesi. Institucionet e sigurta janë të nevojshme për sundimin e ligjit”, deklaroi Ambasadorja e SHBA, Yuri Kim.
Ambasadorja foli gjatë një aktiviteti të organizuar për nxitjen dhe pjesëmarrjen e vajzave dhe grave në politikat e sigurisë kombëtare dhe ndërkombëtare.
Deklarata e Kim mbërrin në një kohë kur PS e PD po diskutojnë në Kuvend ndryshimet kushtetuese për zgjatjen e afateve të funksionimit për Komisionin e Pavarur të Kualifikimit, afate që përmbyllen në qershor të vitit të ardhshëm.
Mes dy partive ka parimisht një dakordësi për këto ndryshime, por ndryshimet ende nuk janë përfshirë në kalendarin e punimeve të Kuvendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
