Gjatë një vizite zyrtare në Kosovë, ministri austriak i Punëve të Brendshme, Karl Nehammer, ka deklaruar se zgjidhje e tensioneve së krijuara në veri të Kosovës nuk është dhuna, dhe se dhuna nuk është as mjet i politikës. Ai ka deklaruar se Qeveria e Kosovës është duke ofruar siguri dhe qartësi për situatën e krijuar, duke deklaruar se ka mbështetjen shteti austriak dhe Bashkimi Europian.
“Dhuna nuk është mjet i politikës. Austria ka ofruar më së shumti forca ushtarake të KFOR-it, për një shtet që nuk është anëtar i NATO-s. Vendimmarëse është që në fazën që jemi tani mund të themi që procesi po ecën mirë. Është e rëndësishme të mos provokohemi nga një situatë e tillë. Këtë qartësi dhe siguri po e ofron Qeveria e Kosovës”, ka thënë ai.
Në takim me Negammer, ministri i Punëve të Brendshme të Kosovës, Xhelal Sveçla, ka theksuar se pas vendosjes së barrikadave është parë një ashpërsim i retorikës serbe, ku këta të fundit e kanë portretizuar punën e Njësisë Speciale si represion.
“Kjo nuk është as provokim as kërcenim për asnjë qytetar te Republikës sonë, vendosja e sundimit të ligjit në Veri është parakusht për prosperitet të qytetarëve tanë. Deri më tani janë lëshuar 11 mijë targa të përkohshme. Austria ashtu si aleatët tjerë te botës demokratike janë pozicionuar drejt sundimit të ligjit, paqes dhe sigurisë”, ka thënë ministri i Brendshëm kosovar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
