Shqiptarët po pushojnë më shumë brenda vendit duke bërë kështu që në strukturat akomoduese numri i tyre në tremujorin e dytë të vitit të jetë rritur në krahasim me të njëjtën periudhë të vitit 2019 kur Covid-19 ende nuk ishte shfaqur.
Numri i rezidentëve në strukura akomoduese u rrit me rreth 11% ndërkohë që numri i jorezidentëve që shënoi nivelin 97 mijë në tremujorin e dytë mbetet pak më shumë se gjysma e asaj të vitit 2019.
Numri i vizitorëve gjithsej është rritur me 3.9 herë krahasuar me të njëjtën periudhë të vitit të kaluar. Numri i vizitorëve rezident është rritur me 2.4 ndërsa numri i vizitorëve jo-rezident është rritur me 8.9 herë.
Numri i netë qëndrimeve nga vizitorët rezidentë është rritur me 2.1 herë ndërsa nga jo-rezidentët është rritur me 9.7 herë.
Numri i vizitorëve rezident të cilët janë akomoduar në Rajonin Qendër ka shënuar rritjen më të lartë prej 6.6 herë. Në Zonat Jo-bregdetare ky tregues është rritur me 5.1 herë, krahasuar me të njëjtën periudhë të vitit të mëparshëm.
Në tremujorin e dytë 2021, numri më i lartë i vizitorëve rezulton: sipas rajoneve në “Rajonin e Qendër”(43,1 %); sipas zonave të afërsisë me bregdetin në “Zonat Bregdetare” (63,4 %); sipas llojit të strukturave akomoduese në “Hotele dhe akomodime të ngjashme” (96,2 %), thuhet në publikim.
Në periudhën prill-qershor interesi i turistëve duket se ka qenë drejt detit dhe kryesisht në sy bie Durrësi që është në rajonin qendror, aty ku ka qenë edhe numri më i lartë i netë qëndrimeve(44.9%).
Gjatë këtij tremujori, norma e shfrytëzimit të dhomave të “Hoteleve dhe akomodimeve të ngjashme” është 12.3 %, kundrejt 4.4 % që ishte në tremujorin e dytë 2020.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
