Partia Demokratike e Kosovës pritet ta mbledhë Këshillin Drejtues, ku do të zgjidhet përbërja e re e Kryesisë së kësaj partie.
Lajmin për “Zërin” e ka konfirmuar vetë anëtari i PDK-së, Betim Gjoshi.
Gjoshi ka thënë që kreu i kësaj partie, Memli Krasniqi, ka punuar vazhdimisht qe disa ditë që të krijojë kryesinë e re.
“Të enjten është thirrur Këshilli Drejtues, ku do të zgjidhet kryesia e re. Qe disa ditë ka punuar vazhdimisht kryetari i partisë për të krijuar kryesinë, e cila është kërkesë e votuesve dhe e qytetarëve të Kosovës, që do ta çojë përpara PDK-në”, tha ai për “Zërin”.
Ndërkaq, ai ka theksuar se PDK-ja tashmë i ka kryer të gjitha përgatitjet në organizimin e mbajtjes së mbledhjes së KD-së të partisë, ku pritet t’i jepet besim përbërjes së re të Kryesisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
