.png)
Gjykata e Lartë ka publikuar listën me 9 kandidatë që kanë aplikuar për të qenë pjesë e Gjykatës Kushtetuese, që do të plotësojnë 3 vendet bosh të mbetura nga procesi i Vettingut dhe si pasojë e mbarimit të mandatit.
Vendet e mbetura bosh krijohen nga largimi i Vitore Tushës, mandati 9-vjeçar i të cilës ka përfunduar, por qëndron ende në detyrë deri në zgjedhjen e anëtarit të ri. Ndërkohë, pritet të plotësohen dhe 2 vendet bosh të lëna nga Fatmir Hoxha dhe Gani Dizdari.
Gjykata e Lartë njofton se për 3 vendet bosh kanë aplikuar: Albert Demirneli (për vendin vakant të krijuar nga largimi i z. Fatmir Hoxha); Alket Jaupi (për vendin vakant të krijuar nga largimi i z. Fatmir Hoxha);
Dhimitrula Spiro (për vendet vakant të krijuar nga largimi i z. Fatmir Hoxha dhe zj. Vitore Tusha); Ervin Karamuço (për vendet vakant të krijuar nga largimi i z. Fatmir Hoxha, zj. Vitore Tusha dhe z. Gani Dizdari); Helena Papa (për vendet vakant të krijuar nga largimi i z. Fatmir Hoxha dhe zj. Vitore Tusha);
Saimir Visha (pa specifikim për cilin nga vendet vakant); Sandër Beci (për vendet vakant të krijuar nga largimi i z. Fatmir Hoxha dhe zj. Vitore Tusha); Vatë Staka (për vendet vakant të krijuar nga largimi i z. Fatmir Hoxha dhe zj. Vitore Tusha) dhe Zhaklina Peto (për vendet vakant të krijuar nga largimi i z. Fatmir Hoxha dhe zj. Vitore Tusha).
Mësohet se lista e kandidatëve i është paraqitur Këshillit të Emërimeve në Drejtësi për vlerësimin e kushteve dhe kritereve të emërimit të gjyqtarëve në Gjykatën Kushtetuese.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
