.png)
Të hënën ka nisur në Itali trajnimi i i 27 hetuesve shqiptarë, anëtarë të BKH-së, një zyrë shumë e ngjashme me Drejtorinë Hetimore Antimafia (DIA).
Të pranishëm kanë qenë Drejtori i Policisë kriminale Italiane, Prefekti Vittorio Rizzi, Drejtori i Antimafias Italiane, Maurizio Vallone, kreu i Prokurorisë Speciale Shqiptare, Arben Kraja dhe drejtuesja e BKH-së, Aida Hajnaj.
Trajnimi, i cili do të zgjasë një javë, i realizuar në kuadër të projektit Pameca V, i financuar nga Bashkimi Evropian dhe i udhëhequr nga Italia, ka për qëllim të përforcojë më tej bashkëpunimin dypalësh policor midis Italisë e Shqipërisë.
Siç njofton Ambasada Italiane në Tiranë, në dispozicion të hetuesve shqiptarë do të vihet ekspertiza më e mirë kombëtare mbi çështje strategjike si lufta ndaj krimit të organizuar dhe trafikimit të lëndëve narkotike.
Shqipëria është ndër vendet ekstra-europiane me numrin më të lartë të personave aktivë të shpallur në kërkim nga drejtësia italiane dhe të kapur në territorin shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
